A letter from Jul 02, 2022

Dear FutureMe, لبارح مات technoblade ليوم كملت سيزون 4 تع اشياء غريبة و نورمالمو كي تلحق رسالة هاذي سيزون 5 تكون خرجت نشله نكون حققت اهداف راني باغي نوصلهم بصح منيش نخدم باش نوصلهم نشله نكون بدلت رايي وبديت نخدم مثلا ني حاب نتعلم برمجة و ثريدي ديزاين وبزاف حوايج عندي شك بلي راح يخرجوني من اشبال الامة لعام لجاي تسما كي نقرا هاذي رسالة نكون ايما خرجت ولا كملت اذا كملت نكون كملت صطاج واذا خرجت نشله نكون ديت لباك مليح بصح مدخلتش للجامعة لعام لي فات 2021 فالعطلة تع صيف كراشيت في عايشة (❤️) وكنت متأثر بيها بزاااف فات شهر و شهرين وكت حاط روحي نسيتها حتا زدت تلاقيتها فالكار كي رحت نشري مودام جديد لدار و تشوكيت ثم بلي محال نبرا منها مالڨري منيش حاب نقولها حاب نخليها بيني بين روحي و راهي باقية بيني وبين روح لحد الان المهم انا كنت مهبط راصي وحاب نرقد حتا وصلنا لمولعلو هزيت راصي شفتها بصح معرفتهاش خطراكش كانت هابطة ومباعد عرفت بلي هبطت باش تخلي لي وراها يهبطو كي كانت طالعة كنت نشوف فيها وكي شافت فيا دورت عيني لجهة الطاڨة كانت تضحك معلاباليش اذا معايا ولا معا صحبتها وتولهت بلي معندهاش ناب في فمها (علابالي من بكري بصح مع ضحكة بان ) المهم تناك راصي كملت طريق كامل نخمم وكي لحقنا هي هبطت قبلي كي هبطت شفت فيها لقيتها كشغل دورت راصها بلخف هكذا كشغل باش تشوفني معلاباليش اذا راني عاجبها بصح هي عااااجبتني بزااف مي منيش قادر نروح نقوللها المهم وكي روحت لدار من تخمام بزاف روحت مقلق ولمودام مهوش مكونفيڨيري مليح من عندهم ماما قاعدة تهدر برك و معلابالهاش واش صاري ونا تقلقت وقاعد نعيط كي المهبول ربي يسمحلي كي عيطت عليها وزدت تهاوشت مع بابا فنهار هذا نشله يسمحولي برك ونشله كي توصل رسالة هذي يكونو حيين في زوج حكاية وحدخرا كي رحت لبحر لجمعة لي فاتت فلكار مع لجماعة جات معانا وحدة من بوقاعة كانت لابسة وردي مام هي كراشيت فيها نهار هذاك ويامات بعدو لقيت انسطا تعها بصح يامات برك ونسيتها منيش حابها صح كيف عيشة المهم لحكاية هذي حكيتها لهبهوب ف انسطا المهم انا لي تعجبني ونكراشي فيها محال نروح نقولها بصح معليش مش لازم نعترف لكاش وحدة بلي نحبها نتعذب شوي ونا نخمم بصح مع لوقت تنسا شوي المهم ملخص رسالة هذي من ل 2024 نكون علا الاقل بديت نتعلم برمجة و ثريدي ديزاين و نشله ثاني يكون مستوى تاعي فالانجليزية تحسن بزاف ضك راني مقبول بصح نطورو خير والامورات هذوك تع عيشة ولحب ولكراش نشله تخلاص حكايتي معاها بزواج علاش لا ابقا علا خير و اتهلا في روحك (روحي) كشغل انا لقديم ننصح في انا جديد مقودة شوي واضافة وحدخرة نشله يكون تريقل لميكرو خطراكش راني طلعت بلور ومباعد نبعثها لامجد ومباعد كي يخرج بابا نسييها وعلابالي متمشيش بصح نشله تمشي مباعد كي نسييها نزيد نبعث رسالة وحدخرا نقلك فيها اذا مشات ولا نو (ضك كتشفت بلي نقدر نعدل رسالة في 48 ساعة تسما نتيجة راح نكتبها مباعد في نفس رسالة هاذي ) وبيييييس سلااام اتهلا برك ❤️❤️ ونشله يكون ايميل هذا مراحليش نعود نتفضح ونشله نفهم كلمات كامل لي راني كاتبهم سلااام مرا اخرى ❤️❤️واتهلا